2009年4月6日 星期一

台北4天鐵路遊2009--Day2(山城美食)

Day 2

2009年3月28日(星期六)

 
今天很早就起床了, 因為去九份或十分, 都要先乘台鐵到瑞芳站, 再轉乘的士或平溪線小火車, 而由台北車站去瑞芳站, 車程要成粒鐘咁耐, 所以要提早出發啦~

由於酒店沒提供早餐嘅關係, 所以我地就先乘捷運由市政府站到台北車站, 諗住買完去瑞芳嘅車票後再解決早點問題; 本想購買"自強車"9:30班次的, 因為車程較短, 只需45分鐘, 點知個售票阿姐話無位, 問佢幾點才會有啦, 佢竟然話要三日後才有喎, 仲話兩個星期前就要預購!

吓......唔係化, 我最期待嘅旅程(放天燈)唔通要幻滅?
 
興奮的心情當堂由天堂跌到落谷底; 諗諗吓...唔係喎, 無"自強車"啫, 仲有"區間車"嘛, 車程雖然長一點, 都只是相差15分鐘, 咁我又唔憤氣走去再問, 點知阿姐話"區間車"8:25有位, 哇~~望吓個錶仲有5分鐘就要開車啦, 此時CarmanE佢地又唔知走鬼咗去邊, SaSa又一定要食早餐,
 
咁買唔買飛好呢?

最後問到佢地都話買, 咁拿拿淋比完錢就往月台方向狂奔......由台北去瑞芳的區間車票價NT$52/HK$13
 
激氣...如果售票阿姐可以主動點, 推介選乘其他車種的話, 咁我地就不用趕到氣咳啦~~~

約9:30到達瑞芳車站, 因為稍後會去菁桐, 平溪和十分, 所以先在補票處購買平溪線一日劵比較化算, 此劵可於當日無限次乘搭往來瑞芳至菁桐各站, 票價NT$54/HK$13.50







由台北致瑞芳沿途都下著雨, 看來雨勢只會越下越大, 雖然我有自備雨傘, 但一把縮骨姐仔應該遮唔哂我同梁生兩個人, 雖然可以成機攬實佢....嘻嘻

最後決定都是買把直傘好D~NT$80/HK$20, 其實都是2人1傘...呵呵





 


由瑞芳往九份可選乘公車或的士前往, 而我地就揀搭的士喇, 一口價NT$180/HK$54; 上車不久, 坐車頭的CarmanE不知為何坐到戰戰兢兢, 後來聽她說, 原來係因為個司機邊拿著碗飯吃邊開車, 想起數年前於九份發生的車禍, 怪不得有此反應, 好彩司機於上山前已把早飯吃完, 只須15分鐘車程就到達目的地
九份山城




 

山城美食

因為趕車嘅關係, 都未有時間食早餐, 一到步當然就係搵野食啦~ CarmanE話上次導遊介紹果間牛肉麵幾好食, 印象中好似在街尾附近, 點知由街頭行到街尾, 再由街尾行到街頭, 又下著雨, 遮來遮往的, 咁樣行來行去都成半粒鐘, 只得街頭一間是賣牛肉麵的, 點知呢間就係CarmanE口中說的店, 等我地仲搵餐死~~

實在太餓了, 一坐低就order牛肉麵和炭燒台式香腸(掛住食唔記得影相), 跟住還吃了綜合魚丸, 花生捲冰淇淋, 鹽酥菇, 薯圈和芋圓




 

超級美味的~~花生捲冰淇淋

製法是把春捲皮準備好, 然後舖上現刨的花生糖, 伴以香菜, 然後再加兩球雪糕立刻包裹來吃; 吃起來的口味很特別,薄到幾乎沒感覺的春捲皮一口咬開之後,香香的花生米加上冰冰涼涼的雪糕和在一起吃,冰涼香甜的感覺,簡直過癮極了~




 

天下第一菇~~鹽酥菇

超讚




 

新鮮薯仔做的薯圈

有多款口味, 我地就揀咗最野味嘅咖哩




 

不用多說, 一睇就知啦~~

細細粒, 容易食, 一口一個, 啱哂咀型

一口酥臭豆腐




 

古怪得意糖果~菓風小舖(九份店)

有各類搞笑造型的盒裝糖菓, 做手信一流





 

因為要預留時間去天燈之鄉, 大約12:30點鐘我地就離開了九份,  回瑞芳乘的士是不二之選, 點知好坐唔坐, 坐著架亡命的士
 
, 上車無耐我就發覺司機個駄盤多咗個輔助柄, 才知他是位傷殘人士, 傷殘都無緊要, 最攞命就係佢似住自己傷殘大哂嗰隻, 覺得在路上就可以橫行霸道, 牙刷刷的跟我們說D車都要讓他三分, 話一說完就拍拍自己唯一完好的大腿示範給我們看, 先來響安驅趕前頭擋路的大型旅遊巴, 要人讓路給他駛過; 再來有更驚險的, 就是在山路途中, 因天雨路滑關係, 前頭的大型旅遊巴同隨行的2架私家車都開得比較慢, 他開始顯得不耐繁, 今次不單只響安咁小兒科,
 
而是要在對頭行車線上超越3架車, 感覺到他開始加速, 我的心跳也隨即加快, 此時我一手抓著老公的手臂, 一手死命抓著扶手, 兩眼死盯著前方, 幾驚有對頭車出現, 有驚無險終於到達終點(瑞芳站), 此刻用比跳車更快嘅速度下車;  痴線架~~ 佢仲想我地包佢架車去遊玩, 真係唔會攞自己條命來教飛...

~~~~~~~~~~~~~~~~~
 
     
 
上一篇:399吃到飽

下一篇:平溪線的終點站


 

台灣鐵路管理局網站

 
菓風小舖(九份店)
地址:台北懸瑞芳鎮基山街68號

2 則留言:

  1. Sorry呀! 我無留意落車點果度就係牛肉麵舖呀!
    害得大家陪我捱餓!
    [版主回覆05/07/2009 21:31:00]美關C啦~~ 你都是想帶我地食好野啫, 都咁多年, 邊個會記得噃, 好彩間舖仲喺度

    回覆刪除
  2. 上年去九份時, 仲未有得食"花生捲冰淇淋", 走寶啦
    你地真係幸運, 遇到兩個咁樣的司機都可以平安落車, 真係要還還神呀 ~ 
    [版主回覆05/07/2009 21:36:00]花生捲冰淇淋一定要試, 真的好好味
    未係~ 六合彩又唔見咁易中, 同一日就比我地遇到兩個駕車高手

    回覆刪除