南,北北海道9天--夏日結伴遊(B計劃)

點解叫做"B"計劃

原本計劃遊東,北北海道11天的，路線都定好啦（札幌--帶廣--釧路--網走--紋別--稚內--富良野）

點鬼知上網check機票，酒店時才發覺費用，咁仲唔嗱嗱聲轉行程咩！個"B計劃"未就咁樣出咗世囉！！

好啦！由11天改為9天，酒店住少咗，租車日數又少埋，行程就只玩南,北北海道9天(札幌--北瀧町--美瑛--富良野--登別--洞爺湖--涵館--小樽)

今次因為是與同事一齊去，比佢哋睇完個行程之後，一些人話要考慮吓，足足考慮到４月尾決定縮沙，剩低同事C無奈的想放棄時，不抱任何希望的她打了通電話給朋友M，出乎意外地朋友M竟然爽快地答應，知道這好消息後，梁生即刻打電話去國泰假期訂機票啦......點知個職員話７月份嘅機位＂全滿＂。吓......唔係話......心諗早３個月前book都無位？即刻再問８月份情況......好彩啫......最後我哋揀咗８月13-21號出發！