2018年5月16日 星期三

2018英國、冰島北極光16天結伴遊 - Day 1, 2 倫敦市中心

2018年2月23日(星期五)

香港 > 倫敦希斯路機場 > 倫敦市中心(羅素廣場 > 國王十字車站 > 哈利波特場景 9 3/4號月台 > 英國唐人街)

宿: Judd Hotel

Day 1, 2 倫敦市中心
2017年11月東北北海道之旅
本應疊埋心水等18年5月先至再出遊
怎知梁生同事有意計劃前往冰島旅行
而"冰島"這個國度實在太吸引
很難抗拒下便造就了這敞行程
在同事悉心安排下, 一眾六人如期啟程

大年初八放工後先回家沖個靚涼
一身清爽才出發前往機場
在國泰櫃位與其他旅伴會合後
乘搭CX251於23:55起飛的航班直飛英國倫敦希斯路機場

享用過兩頓飛機餐
航班準時在24號早上5點安抵倫敦希斯路機場
一出機場便乘預約車直接前往酒店




時間實在太早
好彩酒店能騰出一間客房先給我們
放下行李, 決定幫襯埋佢個早餐才到市街遊覽


倫敦賈德酒店
The Judd Hotel
整座建築分拆了好幾間不同的酒店
好懷疑前身是由宿舍什麼的改建而成
我們所入住的酒店只佔了邊陲的一角
酒店附近環境清幽
距離各個地鐵站只是十數分鐘步程 






來到倫敦第一個景點
國王十字聖潘克拉斯站
King's Cross St. Pancras Underground Station
簡稱國王十字站
是倫敦地鐵最大的轉乘站, 有6條路線4條鐵道通過




在國王十字站內不難找到作者J.K.羅琳暢銷小說哈利波特的重要場景
九又四分之三月台



隔鄰還有間售賣與哈利波特相關產品的專門店
粉C如我倆又怎能錯過



倫敦聖潘克拉斯萬麗酒店
St. Pancras Renaissance Hotel London
座落在國王十字車站旁
在1873年首次開業, 1935年關閉
重建後於2011年3月14日開業
鐘樓部份高達82米
是大街上最為吸睛的建築




各人都逛到有點餓
在同事帶領下品嚐當地最出名的龍蝦大餐
Burger & Lobster - Soho
是來到倫敦不可不吃的龍蝦店
還沒到營業時間已見人龍








飽足後就漫步回酒店取房順道休息吓
黃昏再出動
經過地鐵站順手買張儲值飛方便打後的日子使用
羅素廣場站
Russel Square Station



唞足精神後又跟大隊出發
下午購買的地鐵儲值飛正派上用場
目的地是倫敦最繁華的區域
蘇活區附近商舖食肆林立
是晚間消閒好去處



倫敦唐人街, 又稱倫敦中國城
亦坐落於英國倫敦西敏市的蘇活區
在這裡找吃的一點也不難
農曆年期間到處張燈結彩, 人來人往好不熱鬧
是旅行團必到的熱門景點








69 則留言:

  1. 回覆
    1. 平,靚, 正
      J少都話抵食又好食就知啦~~

      刪除
    2. 我上次去唔駛排隊呀。真係抵食夾大件。

      刪除
    3. 唔駛排隊咁好。真係啖啖肉。

      刪除
    4. 我朝早七點出到城,行咗大半日夜晚未講六點就去食嘞。走時有人排。

      刪除
  2. Burger and Lobster 真係平爆又好食, 以佢個價錢只可食到 Fish and chips.

    回覆刪除
    回覆
    1. Burger and Lobster真係無得輸, 尾程果餐再encore

      刪除
    2. 最喜歡 steamed, 啖啖肉又 juicy

      刪除
    3. J少識貨, steamed喺最正架

      刪除
    4. 個人口味o者, 你都識啦. XD
      我覺得燒有啲乾.

      刪除
    5. 係呀, 兩種整法都試過, steamed係最好味

      刪除
  3. 如果可以有長假期旅行,英國會係我哋首選。因為之前兩次歐遊都冇認真玩過英國。

    回覆刪除
    回覆
    1. 我對英國無乜好感, D黑鬼歧視我地D黃種人, 仲比扒手開咗兩次背囊, 團友更比人偷去錢包及護照, 免得過都唔會再去

      刪除
    2. 昨日我剛出左舊年去英國和蘇格蘭blog,講到於利物浦在3個多小時內遇上食店店員的不禮貌對待,我都覺得係有啲歧視我地架。

      刪除
    3. 咁真係好危險喎,不過無論如何點都會去一次,因為呢個係我老公同D兄弟既約定。仲有多倫多都係。

      刪除
    4. 1733兄, 入境過關時已經感受到官員嘅歧視眼光, 多次在酒店比服務員不禮貌對待, 去旅行未試過咁谷氣

      刪除
    5. Maggie, 個人感受嗜, 萬事小心啦!

      刪除
    6. 好彩我兩次入境時都遇到好既關員,不過上次還車,如果唔係我自己在攞車時有拍低架車條天線損毀,就比佢屈左我。今次租車攞車,租車公司想比架細啲既車我,仲問我ok嗎?我話4個人連行李,佢自己睇下放得落格車我就用囉。佢睇完就話要搵車送我地去第二度攞車。攞返我原本租既車款,咁就比佢攪到我地浪費左啲時間。

      刪除
    7. 講到攞車真係要睇清楚, 我上次喺日本攞車都係, 兩條友明明跟住租車職員繞住部車行咗一轉, 點知去到第一個休息點, 見到左邊車門凹咗, 仲以為係光線問題影響, 睇真D真係凹咗, 還車時差點比佢屈, 好彩佢都叫個師傅黎睇吓, 搵番check車紀錄先無事.

      刪除
    8. 租車,攞車時都真係要打醒12分精神,如果唔係分分鐘要負上唔關自己事既責任。

      刪除
    9. 係呀, 我地都打咗輸數, 佢唔認帳就唯有比錢, 不過就好唔抵囉!

      刪除
    10. 咁梗係唔抵啦,都唔係自己既責任嚟,不過都無計啫。

      刪除
    11. 都怪自己大意無睇清楚, 雖然唔駛比錢, 不過都驚餐飽, 下次攞車會加倍小心

      刪除
    12. 我上次去台北租車又係冇睇清楚,揸到返酒店接人時先發現車頭玻璃有個圓形凹痕,即刻揸番架車去租車公司。好彩佢睇完話係舊痕,喺驗車紙加番。

      刪除
    13. 原來大家都有咁嘅經歷, 攞車時真係要留神睇清楚

      刪除
  4. 我去過兩次英國,只係今次有咁既遭遇啫。9月我會去多倫多呀!

    回覆刪除
    回覆
    1. 9月我就去巴爾幹半島, 大家玩得開心D, Yeah!!

      刪除
    2. 嘩!巴爾幹半島?期待呀!

      刪除
    3. 巴爾幹半島都係我個歐洲 to-go-list裏面,今年無望了,唔知排到幾時...

      刪除
    4. 歐洲我都有好多地方想去, 又係唔知排到幾時, 唉, 希望退休前完成 :P

      刪除
    5. 退休前完成,大把時間,實得啦!

      刪除
    6. 時間唔多架, 唔早D完成, 邊可以提早退休喎 :P

      刪除
    7. 咁幸福可以提早退休?正呀!

      刪除
    8. 提早退休係我人生嘅目標 :P

      刪除
    9. 我就因為要去旅行,反而要延遲退休儲錢T_T

      刪除
    10. 我就係襯依家月月有糧出去多幾轉, 退休筆錢應該唔捨得用黎去旅行

      刪除
    11. 雖然返工可以儲錢去旅行,但一諗起有錢無假去就好想唔做
      講真一年得嗰十幾日假,去兩轉十幾日都用哂喇,要慳慳地先勉強去多一兩轉 (仲要係短trip),最攞命係我個個月都想去玩,已經無心戀工了
      世界咁大,就算做到退休都未必去得哂想去嘅地方,仲要睇下退休後自己身體情況係點,所以我都好大機會提早退休
      宜家要等4個月到9月尾先再有得去,應該係今年最後一次,依幾個月都唔知點捱...

      刪除
    12. 3J, me 2
      就算有假都唔可以個個月去, 老細一定會詐形, 返黎仲要做死自己, 提早退休就自由身, 無哂呢D煩惱, 玩都玩得開心D

      刪除
    13. Yes, 仲可以星期一去星期五返都得,weekend就响香港休息,唔駛死度爛度要夾埋D紅日或者大時大節去儘量慳假
      就算今日book聴日飛都仲可以,諗起都爽... (正在發夢中...嘻嘻)

      刪除
    14. 未係囉, 打工仔個個都係揀星期六,日返, 返黎果程機爆到七彩, 手提行李差D無位放
      我度假夾紅日一來是要慳假, 二來是放少D, 對工作影響無咁大, 老細都無咁黑面
      退休後真係想飛就飛, 爽呀~~

      刪除
  5. 我就無提早或延期退休,做到啱啱好最後一個工作天。

    回覆刪除
    回覆
    1. 我日日都想唔撈, 應該唔會做到退休最後一天 :P

      刪除
    2. 1733, 男人唔同女人,男人通常都會做到退休,我老公都會,女人唔返工都可以做家庭煮婦 (大前提係無生活壓力),我身邊有唔少同年紀嘅女性朋友都已經無做嘢了...

      Mandy, me too...哈哈!

      刪除
    3. 團友都唔會做到退休年齡架。
      我退休後就有更多時間做家務。

      刪除
    4. 我宜家target就係等我老公退休後我就會提早退休,到時大家都有時間去旅行了

      刪除
    5. 呢個都係一個唔錯既計劃

      刪除
    6. 3J, 我同你嘅意願一樣, 等老公退休就隨即提早退休 ^_~
      1733兄, 我一定唔會捱到退休的最後一日, 老公退休後我會心掛掛佢喺屋企唔知做乜, 又驚佢會悶, 所以我唔會放心獨留長者在家, 哈哈哈

      刪除
    7. 我都應該會跟老公一齊退休,因為如果佢退咗休冇野做,我仲要返工既話,我實俾佢D奪命追魂call煩死=.=/

      刪除
    8. Maggie, 3J, 原來我地都有共同宏大嘅目標, 大家好好加油呀~~ hahaha

      刪除
    9. 退休前,我上過退休前講座。講座有建議兩公婆最好不要同一個時段退休,一前一後前雙方都好。原因是兩公婆自結婚後,應該都無試過長時間24小時日日一齊生活,如果兩人一齊退休,大家都未適應得到,容易有問題出現。如果任何一個先退休,咁早退休嗰個有時間適應,到另一個退休時,先退休嗰個會有體驗,會多一點包容架。

      刪除
    10. 咁我要爭取做早退休嗰個😄

      刪除
    11. 早退休嗰個睇怕都幾難,除非工作上突然出現變化令我唔想繼續做,咁我就有藉口
      雖然宜家份工係食之無味,但要棄之又有點可惜,當做儲旅費囉...

      刪除
    12. 1733,其實退休生活可以多采多姿,我身邊有D退休人士仲忙過返工,除咗去旅行外,閒時可以去參加D興趣班,各自各約下朋友飲下茶食下飯,仲有其他....大前提係最重要係身體健康行得走得
      我一早已經ready咗過退休生活,有好多嘢想做就因為要返工所以無時間做
      兩夫婦結婚幾十年,就算24小時日日一齊生活都唔一定要日日留响屋企,一齊去行下超市、商場、百貨公司、買餸煮飯都可以好sweet架...哈哈

      刪除
    13. 我而家知道喇,都唔知幾咁享受添。

      刪除
    14. 1733兄, 一前一後退休嘅說法, 講者有無實質體驗先, 如果講者係個年青人, 可信性不大!
      Maggie, 我已經入咗紙申請早退休果個, 依家等梗另一半批核 :P
      3J, 我都係睇在食之無味,棄之可惜嘅大前題, 死氣沉沉做落去, 不過黎緊公司有大變動, 睇怕都做唔長.
      一齊去行下超市、商場、百貨公司、買餸煮飯呢幾味, 我都好似實習咗好耐, 唔駛等到退休先做噃, 哈哈.
      不過最重要都係身體健康行得走得, 身邊都有朋友諗住等退休後好好享受生活, 不過一退休又忙著去賣鹹鴨蛋, 唉 :(

      刪除
    15. Mandy,最慘依排工作清閒到抓手指,又無大假可以放(剩番果D要留9月尾放),坐响office度不知幾痛苦
      有時都想公司有大變動,可以被辭職,咁就可以死心,疊埋心水返屋企,哈哈!
      我咪就係好驚真係到退休時個身體唔聽話,到時有錢有時間都無用了

      刪除
    16. 3J, 真係同病相憐, 齋坐等放工嘅日子都不知幾辛苦, 咁鬼清閒唔去旅行真係嘥鬼哂
      公司有大變動都唔會裁員, 到時頂唔順唯有提早引退, 疊埋心水唔撈, 呵呵
      人生苦短, 及時行樂最重要

      刪除
  6. 去旅遊就是你返工既動力,right?

    回覆刪除
    回覆
    1. 但我係無假去旅遊就會無動力想去返工,哈哈...

      刪除
    2. 1733兄, 去旅遊就是返工既動力, 騙自己的, 一返工就想放假, 哈哈

      刪除
    3. 哈哈!我做左43年野又無咁既體會喎。

      刪除
    4. "Mandy, me 2,哈哈.."
      me 3, 哈哈
      原來大家心態一樣
      1733, 男人同女人諗嘅嘢係唔同架,始終男人會覺得工作重要

      刪除
    5. 我一話想提早退休咋, 身邊果個就話一齊退休, 死未 =_=!

      刪除
  7. 我以前好鬼衰架,成日都like返工,仲驚退休唔知點過,近幾年比同事點醒左,而家都唔洗去適應退休生活。

    回覆刪除
    回覆
    1. 1733兄, 真係少見嘅個案, 我身邊朋友無一個會like返工架 :P

      刪除
    2. 嘻嘻,我係比較特別啲嘅。

      刪除