2013年11月12日(星期二)
香川県(瀬戸大橋記念館, いただきさんの海鮮食堂, Dolphin Centre) > 宿ホテルエリアワン高松
Day 12 (下) 近距離接觸 @ 日本ドルフィンセンター(Dolphin Centre)
話說參觀完瀨戶大橋, 一心諗住往高松港碼頭買明天過小豆島的船飛, 點知原來無得預售, 既然今晚住的酒店亦在碼頭附近, 咁就返酒店check-in放低行李先, 點知又出事, 揾酒店期間個GPS又short咗, set咗好幾次都去唔到間酒店, 在附近兜咗成粒鐘, 終於要揾7仔D員工幫忙, 原來間酒店就係7仔斜對面轉角位, 又一次多得7仔既相助, 7仔唔止係間便利店咁簡單, 仲係旅客既救星
安頓好行李又到午飯時間, 一於去いただきさんの海鮮食堂食番個晏, 雖然海鮮食堂個外觀同設備一般, 但勝在這裡的海產由漁夫直送, 所以既新鮮又便宜
