2015年11月1日(星期日)
香港 > 北海道(新千歲空港) > 苫小牧港(夜航) > 青森(八戶)
Day 1.1 千歲空港到著
但早餐就捨棄了慣常幫襯的大家樂而轉戰翠華
食物方面質數好多了
但出菜就比較慢, 要集齊一車才送餐
食物方面質數好多了
但出菜就比較慢, 要集齊一車才送餐
原定9:15am起飛的航班
不知怎的卻在跑道上輪候
要呆坐機上成半粒鐘有多才成功起飛
飛機餐不知從何時開始
由午餐變成了早餐
剛吃的早餐還沒消化所以我就婉拒了
梁生的柴魚花生粥
約5小時航程終於3:45pm抵達北海道千歲機場
前往位於國內線那邊的郵局及豐田租車櫃位
在郵局領取已預定的Pocket Wifi
今次都是選用Rentalwifi這間公司
貪佢夠方便, 取還都是以郵寄搞掂
14日租金¥7038連保險¥500, 總費用¥7538
但今次使用效果並不理想
在山區地方收唔到訊號都正常
但市區都收唔到就有點兒過份
全程得最尾兩天才用到
諗諗吓都係自己買隻蛋好過
接下來就是往豐田的租車櫃位去
左邊那間才是我要找的新千歳空港すずらん店
職員核對完資料無誤就會發給一張號碼牌
等叫號便可乘搭免費接駁專車前往店舖取車
辦完手續到真正出車天都快黑
11月的天色都黑得比較早
日落時間為4:30pm
今次揀了P2車不揀款
Toyota就租咗架新款車SPADE比我地
14天費用 ¥95,607 (信用卡繳付折實 ¥91,638)
終於記得影低行車紀錄
新車落地已經行了32826km
新款車SPADE
由於事前沒有要求安裝雪軚
一路下來都有點擔心東北那邊山路會有積雪
幸好Toyota夠細心
自行幫我們裝上了
ICE NAVI ZEA II
取車後就朝著苫小牧港進發
準備乘搭夜航前往青森
出發前已於網上預留了房間
在途中經過這間食店
見有時間就食個飯
食店由落單至取餐都是自助型式
睇啱邊個餐就買票
兩個飯才¥1600很划算
梁生選的5本蝦天婦羅飯
苫小牧以北寄貝聞名
當晚就點了這個北寄貝天婦羅飯就中伏
炸過的北寄貝比香口膠還要煙韌
我應該明白點解你14日同我13日價錢一樣，因為計你四點拎車到第十四日下午還車其實只係十三日。
回覆刪除其實我都唔係好明佢既計算法，咁算唔算取巧 !
刪除我記得瘋田北海道租車到十一月就會自動轉用雪軚
刪除t先生, 大家都咁講, 依家知道啦, 只係自己孤陋寡聞 :P
刪除咦 ~ 開始囉喎 , 上次果Part都未睇晒添 , 要加緊努力至得 . XD
回覆刪除鮑腿通呀 , 見到有D肚餓 ... 今次既 CX 機有冇投訴呀 ? Pocket wifi 得尾果兩日先用到 , 有D呃錢之嫌喎 .
齋睇內籠部SPADE都冇乜唔妥丫 , 點知俾你踩到一文不值 , 真係車不可以貌相呀 . (車頭有D似 Isis )
柴皮北寄貝都係第一次聽到 , 真係咁都得 ? ^^ 天婦羅丼則賣相一流 .
我都要加倍努力先得, 唔係D舊遊記都唔知點算 =_=
刪除CX D餐真係有夠難食, 越來越差 !!
Pocket wifi 今次真係好唔掂, 得果兩日用到, 變相超貴; 所以都會密切留意 t先生黎梗既用家報告
SPADE 平常生活用來代步都OK, 但以旅行車來講真係麻麻, 不過都係果句, 各人觀點不同, 我唔可以代表哂所有人
北寄貝用來油炸真係有點浪費, 都係食新鮮既好, 超好味呀; 蝦天婦羅丼好正既呢~~
呢個pocket wifi好唔掂喎！我去東北同九州都喺香港租蛋，收得好好。
回覆刪除出年個trip第一日會住苫小牧，遲啲都要睇睇食晚飯嘅食店。
真係估唔到本土野自己地方用都咁差 >_<
刪除食呢家野我地好隨緣, 除非有當地名物啦~
炸北寄貝....我都無諗過會有呢一款嘅天婦羅...
回覆刪除下次妳可以考慮去鴨寮街買日本上網咭
炸北寄貝真係浪費咗D食材!
刪除多謝阿Ben建議, 我地會考慮架啦 ^^
我相信Toyota唔expect你會揸車去東北，幫你裝上雪軚應該係恐防北海道突然落雪，11月有機會落雪
回覆刪除CX嘅粥都算唔太難食，其他嗰D仲難食
舊年揸過Porte，最唔習慣左邊個趟門設計，都係推門好D
其實 1/11 啱啱好開始, 北海道大部分地區的 Toyota 雪軚會自動改為標準装備, (函館 1/12~)
刪除東北多數係 12月打後, 唔駛加錢.
3J, 以往11月份都有去過北海道, 亦無特別要求裝上雪軚, 所以無留意佢地會自行裝上; 今次係因為出發前已知八甲田山果邊落雪, 特別擔心才會留意到
刪除CX 既餐我都認同真係越黎越難食
Porte都有租過, 我都唔鍾意佢隻趟門
jokelib, 以往11月份都有在北海道租車, 只係無特別留意佢地會自行裝上雪軚
刪除Toyota 每年都會 update 的, 你可以參考一下.
刪除假如你在青森租就要加錢
https://rent.toyota.co.jp/service/service_option/option/studless.aspx
謝謝 jokelib 既有用資訊, 青森果頭應該唔會咁快再去啦 ^^
刪除幾舊水租隻蛋竟然上唔到網... 買張sim卡好過
回覆刪除點知會差得咁離譜, 市區都收唔到先激氣, 諗住拎隻蛋會方便D
刪除呢個鐘數唔係食早餐先至啱咩?
回覆刪除我上次去九州就在鴨記買上網咭，收得好好。
去韓國就租蛋，收得超好。
以往飛北海道通常都係食午餐, 未試過食早餐
刪除上網咭有用過, 諗住拎隻蛋方便D
我地要share幾部機，用蛋收得好啲!!
刪除share幾部機, 用蛋真係方便好多!!
刪除good, 又有美景欣賞, 很羨慕人生有咁多時間遊山玩水.
回覆刪除年紀大機器壞, 所以要爭取多D時間遊歷吓, 襯行得走得仲有幾個銅錢享受吓人生咁啫 ^^
刪除五隻蝦一字排開，好震撼。
回覆刪除收唔到都收成七千幾円，好肉赤。我淘過富士卡，三千米高山都無問題，反而品川站試過唔得。啱啱又淘咗4張docomo卡，試用完再報告。
個價錢係租用費, 以日計算, 不包接收能力 >_<
刪除我租果隻蛋都係用docomo, 唔知係未隻蛋問題, 真係要等睇你既試用報告!
富士卡口評好壞參半，唔係好敢試。我香港租隻蛋都係收docomo, 山區都收得好好，可能真係隻蛋問題。之前見有團購docomo卡，都想買嚟試下，等Fai先生用後報告^^
刪除聰眾方意見, 我更覺得係隻蛋問題, 之前都有租用過, 都很好用 =_=
刪除黎梗都會睇埋 t先生同輝哥既用後報告再缺定!!
實在富士咭我都有share, 不過係用部舊手機。雖然3G, 但facebook, tabelog, google map完全無阻。今次又試下呢張話係4G嘅docomo先。
刪除實在富士咭我都有share, 不過係用部舊手機。雖然3G, 但facebook, tabelog, google map完全無阻。今次又試下呢張話係4G嘅docomo先。
刪除http://au.wifi-rental-store.jp/
回覆刪除我上次去北海道加九州時同呢間租，山卡拉都收得幾好，下次可以諗諗佢
呢個我地都有睇過, 但網上口碑麻麻, 聽你咁講, 可能下次會試試
刪除