南,北北海道9天--夏日結伴遊(兜兜轉轉)

點樣兜兜轉轉？行程不是決定了嗎？點解又有變掛？

都是夏天嘅關係囉！

因為４個人既關係，加埋行李的話租架７人車就最理想啦！梁生在Honda同Toyota兩大租車公司網上揀咗兩部心水車；

一部是Honda的Mobilio

另一部是Toyota的Sienta(圖片來自網站)

租９天的話價錢分別是￥6x,xxx，同￥8x,xxx；咁當然是Honda的Mobilio最化算啦！點知幾日啫，我再check個價既然由６字頭變咗９字頭，當堂嚇到面青，即刻上Toyota度睇睇，都係佢靠得住；但係又發現問題啦，早我地幾日這款車已經比人book哂（我地是８月13號出發），好驚book唔到車呀，但心急都無用，因為只能早３個月前預約，所以一到５月12號當天零晨就上網book咗佢！

好啦！車子已經搞定；除咗package所包的酒店外，其他酒店亦都book埋，有富良野和洞爺湖的民宿，登別的溫泉酒店，函館的旅館和小樽的酒店，應該無變啦只是等出發啫！

點知……大發現啦！比我在網上睇到8月16,17號這兩天函館有“魚火祭”，望望月曆這兩天我地會係邊，那麼巧，原來17號就係函館，咁當然不會放過這好機會啦，決定放棄16號係洞爺湖既行程，因為那裡沒什麼可觀性，所以不會覺得可惜；改為係函館住多一天，“魚火祭”在函館既湯之川舉行，而湯之川在函館是個很出名的溫泉地方，咁當然要順道浸一浸那裡的溫泉啦！